Fryske Fesperfierings

yn de Jakobiner Tsjerke fan Louwert 

Sneintejûn  22 novimber is der wer in Fryske Fespertsjinst. Wy sille wer te gast wêze yn de Grutte- of Jakobiner Tsjerke yn Ljouwert. De foargonger is dûmny  Adri Terlouw fan Dronryp. Gerwin Hoekstra  spilet op it oargel en sjongers fan it koar Euphonium û.l.f. Klaske Deinum sille de lieten út de liturgy sjonge. Martha de Boer – van Slooten docht de lêzingen.
Eltsenien wit wat de regels binne en ferjit net om in mûlekapke te dragen as wy troch de tsjerke rinne. Dat mei wêr ôf as Jo te plak sitte.Omt it oantal besikers beheind is ta tritich persoanen is it wol wichtich om  Jo yn it foar op te jaan fia fryskefesper@gmail.com of sms/belje 0651334778. Graach foar sneon 21 novimber de jûns om 18.00 oere en mei jo e-postadres en/of tillefoannûmer
Binne jo net yn de gelegenheid om de fiering by te wenjen, dan is der de mooglikheid om fia de gebrûklike kerkomroep fan de Grutte Tsjerke de fiering te belústerjen: https://www.kerkomroep.nl/#/kerken/10456.
Wy sjogge der nei út jim begroetsje te kinnen: It begjint  om 19.00 oere.
Yn desimber is der gjin fesperfiering, de earstfolgjende fiering is snein 24 jannewaris.